Kaniadto naghandum ko machoir director. Wa damha usa ka adlaw nagtindog ko nga nagtudlo na sa teens’ choir.
Sunod nagdamgo ko magmissionaryo. Abi nako imposible. Usa ka adlaw nakita nalang nako akong kaugalingon naglakaw-lakaw uban sa akong partner sa kabukiran para sa among misyon.
Apan wa nahuman. Naghunahuna ko posible kaha nga bisan sa kabatan-on naay madala kang Cristo? Usa ka Sabado, daw dili masabtan akong gibati sa dihang akong nasaksihan ang mga tawong nagpabautismo human sa usa ka bulan nga wali namo sa bukid.
Oo sakto ka, dili tungod nako, tungod sa Espiritu Santo.
Ingon ko, kaya kaha nga malabang ang bukid sa board exam? Tulo ka tuig na ang milabay gikan ko migradwar. Apan daw wa nasab damha ang sunod nakong nakita akong lisensya naman.
Naglisod ko. Wa koy trabaho. Pila ka bulan ang milabay, daw malunod nako. Nilabay ko sa usa ka skwelahan, niingon, “Unta diha ko makatrabaho”. Pila ka semana,nagsuot nako sa ilang teacher’s uniform.
Gusto ko ishare akong natun-an sa PAFCOE. magtraining program ta. isa..duha..tulo.. upat na ka training program.. “ha? murag wa may klaro, murag wa may igo. Ginoo, sayang ba ang paningkamot?” Apan wala ko nakabantay nahuman na diay ang Health Expo.
Unsa kaha akong talento? Magtudlo ko para makamisyonaryo ko sa ubang tawo. Need mana masteral noh? Wa koy kwarta. Di man tingali ko qualified sa scholarship. Pero gusto ko magtabang sa uban, gusto ko magmisyonaryong maestro. Tingala nalang ko nagskwela naman diay ko unya wa pajud gasto.
Murag sayon ra noh? Pero sa tunga-tunga anang tanan mao ang hilak, pag-antos, kasakit, tingali di masulat, apan nakadrawing sa akong experyensya ang tanan pagsaka ug pagnaug, kasakit ug kalipay.
Luyo niana tanan ang usa ka Diyos sa mga handum. Usa ka Diyos nga makabasa sa kasingkasing.
Usa ka Diyos nga mubati sa sakit, sa kalipay, sa kahadlok, sa kabalaka. Usa ka Diyos nga muhatag..Usa ka Diyos nga dili muhawa. Usa ka Diyos nga naga-ingon hulat lang, ako ranang ihatag.
Usa ka Diyos nga muoban, nga musapnay, nga muagak.
Handum.
Dili man tingali na mawala. Apan kung ako makapili pa gyud ug isa ka handum.
Dili. Duha nalang…
Tingali,
una, nga makalingkawas ug mahimong madinaugon batok sa akong mga sala ug mga dautang batasan ug binuhatan..oo, bisan kanang mga dili makita sa tawo..
ikaduha, tingali kasingkasing nga nahigugma kaayo sa kalag nga andam buhaton tanan alang kanila
murag kulang ug isa..
nga makakita ni Jesus nga dili mahadlok, makasugat sa iyang pagbalik, nga makauban kaniya sa langit..
maabot kaha ni? ma-angkon kaha ni nga mga handum? makaya kaha?
tingali.. tingali. tingali.
ang pagtoo man daw nagtungtong sa ebidensya. ug tingali wala nagkulang ni nga sinulat sa ebidensya..
Usa ka adlaw, mutongtong rajud ko anang langit.. ug unta uban ka.
I Will Go 